Naxçıvan Muxtar Respublikasının Dövlət Statistika Komitəsi tərəfindən turizmə dair seçmə müşahidələrin aparılması davam etdirilir.

Seçmə müşahidələr Naxçıvan Beynəlxalq Hava Limanında həyata keçirilir. Sorğuların əsas məqsədi muxtar respublikaya səyahət edən şəxslər haqqında etibarlı statistik məlumatların toplanmasıdır.

Sorğu zamanı respondetlərin səfər məqsədi və müddəti, istifadə etdikləri yerləşdirmə vasitələri, xərcləri və rəsmi stattistika üçün digər zəruri məlumatlar öyrənilir.

Toplanan məlumatlar tam məxfi saxlanılır və yalnız ümumiləşdirilmiş statistik göstəricilərin hazırlanması məqsədilə istifadə olunur.